"АрселорМиттал Теміртау" соңғы жылдары шахтадағы апаттан қанша адам зардап шеккенін айтты

"АрселорМиттал Теміртау" АҚ соңғы екі жылда аймақтың шахталарында болған апаттардан қанша адам зардап шеккенін айтты, деп хабарлайды BAQ.KZ жергілікті ekaraganda.kz порталына сілтеме жасап.

2022 жылы бізде Ленин шахтасында 5 адам қайтыс болған апат болды. Жалпы, бір жыл ішінде 18 адам жарақат алды. 2023 жылы "Қазақстан" шахтасындағы осындай ірі апат бірінші рет болды. Өздеріңіз білетіндей, үш адам қаза тапты, екеуі іздестіріліп жатыр. Жыл басынан бері барлығы 8 адам жарақат алды", - деді "АрселорМиттал Теміртау" көмір департаменті атқарушы директорының орынбасары Сергей Огай.

"Қазақстан" шахтасында өрттен бір күн бұрын конвейер таспасы ауыстырылды. Содан кейін қайғылы оқиға болды.

Естеріңізге сала кетейік, 17 тамызда таңғы сағат 10:05-те "Қазақстан" шахтасында конвейер таспасы өртенді. Жұмысшыларды шұғыл эвакуациялау басталды. 222 кенші жер бетіне шығарылды.

Қарағанды облысы денсаулық сақтау басқармасының мәліметінше, зардап шеккен 9 кенші Мақажанов атындағы клиникада, тағы үшеуі Шахтинск ауруханасында емделіп жатыр.

Кейін қаза тапқан үш кеншінің денесі табылды. 17 тамызда, кешкі сағат 19-да 58 жастағы Виталий Слюнковтың денесі табылғаны белгілі болды. 18 тамызда, таңғы сағат 9-да тағы бір шахтердің мәйіті табылды. Шахтада қалған екі кеншін әлі табылған жоқ.