Қарағандылық педагог халықаралық коучинг орталығында білім алу грантын ұтып алды

Нұр-Сұлтан, BAQ.KZ. Қарағандылық педагог Евгения Маторина Екатеринбургтегі Istok Халықаралық коучинг орталығында білім алуға грант ұтып алды. Бұл туралы Қарағанды облысы әкімдігінің ресми сайты хабарлады. 

Курстарды тәмамдаған соң Педагогикалық шеберлік орталығының қызметкері сертификат алады. Бұл құжат оған мектеп ұстаздарын оқытуға мүмкіндік береді. 

Коучинг – бұл адамның белгілі бір мәселені талдай білу, бағалауға және сараптауға бағытталған сұрақтарды қоюға негізделген кәсіби диалогтың бір түрі. Мұндай мәселелер адамның жеке тәжірибесі болып табылмайтын нақты ұсыныстар мен кеңестерді күтудің орнына дербес ойластырылған шешімдерді қабылдауға және олар үшін жауапкершілік алуға мәжбүр етеді. 

Евгения Маторина бірнеше жыл бұрын оқушыларға сабақ оқуға уәждеме жетіспейтінін байқаған кезде коучингке қызығушылық таныта бастаған. 

"Мен әрдайым балалардың дербес және жауапты болуы үшін бір нәрсе жетіспейтінін түсіндім. Көбінесе мінез-құлық, ойлау үлгілерін мәжбүрлеу болды. Балалар бұған жиі қарсы тұрды. Сондықтан да біз әрдайым балалар өздері оқуға ынтық болып, оқи алуы үшін не істеуіміз керек деген сұрақ қоямыз. Мен жұмыс істейтін педагогикалық шеберлік орталығында қазіргі таңда коучингке арналған тұтастай бір модуль өтіп жатыр", - деді педагог. 

Евгения Маторина алдымен жаңа педагогикалық ілімнің қыр-сырын өз бетінше зерттегенін, содан кейін Қазақстан, Ресей, Австрия, Нидерланды, Украина және басқа да елдердегі әріптестерден тұратын коучтердің халықаралық клубына кіргенін еске алды. Онда ол Халықаралық Эриксон коучинг университеті мен оның өкілдігі өткізетін байқау туралы білген. 

"Мен байқауға бір ай бұрын өтініш бердім. Конкурстық жұмысым мектеп мұғалімдеріне арналған тренингтер жоспары болды. Оған мотивациялық хат пен өзім туралы қысқаша ақпарат бердім. Жауап жақын уақытта келеді деп күткен жоқпын, грантты ұтып алдым деген хабар мен үшін күтпеген жағдай болды", - деп бөлісті Евгения Маторина. 

Айта кету керек, бұл Эриксон университетінің оқу грантын жеңіп алған алғашқы қарағандылық педагог. Онлайн-оқыту желтоқсан айында басталады. Курс соңында тыңдаушылар сертификат алады, ол балалармен де, ересектермен де коуч ретінде жұмыс істеуге құқық береді. Евгения Маторина өз дағдыларын одан әрі жетілдіріп, Қарағанды қаласының жалпы білім беретін мектептеріне коучинг технологиясын енгізуді жоспарлап отыр.