Қарағанды облысы тұрғындарының 80% МСҚ жүйесіне қатысуда
Нұр-Сұлтан, BAQ.KZ. Қарағанды облысының әкімдігінде міндетті медициналық сақтандыруды енгізудің алғашқы нәтижелері талқыланды. Өңірде бірінші қыркүйекте жүйе пилоттық режимде енгізді. Бұл туралы Қарағанды облысы әкімдігінің ресми сайтында хабарланды.
«Біздің облыс МӘМС енгізу бойынша бірінші болып отыр. Біз аталмыш жүйе бүкіл ел бойынша енгізілуі үшін жол ашамыз. Бұл мүмкіндікті біз облысымызда инфрақұрылым мен барлық денсаулық сақтау жүйесін жақсарту үшін барынша пайдалануға тиіспіз», - деді аймақ басшысы Ерлан Қошанов аппарат жиналысында.
Республиканың басқа облыстарында міндетті медициналық сақтандыру 2020 жылдың басынан бастап жұмыс істейді. Қарағанды өңіріндегі апробация жүйенің жұмысындағы ықтимал кемшіліктерді анықтауға және жоюға көмектесуі тиіс.
Денсаулық сақтау басқармасының басшысы Ержан Нұрлыбаевтың айтуынша, ведомство жанынан МӘМС бойынша байланыс кеңсесі ашылды. Оның міндеттеріне толық ведомствоаралық өзара іс-қимыл, азаматтарды ақпараттық-түсіндіру жұмыстарымен қамту бойынша ресурстар мен жауапкершілікті бөлу, тәуекелдерді, проблемалар мен коммуникациялық жоспарлардың өзгерістерін басқару кіреді.
Ержан Нұрлыбаевтың айтуынша, жүйенің тұрақты жұмыс істеуінің басты шарты – бұл халықты қамтудың жоғары деңгейі және төлемдердің тұрақтылығы. Қазір облыста МӘМС бағдарламасының 335 мың қатысушысы бар, бұл өңірдің жалпы халқының 81% құрайды. Емханаларға бекітілмеген және МӘМС жүйесінде мәртебесі жоқ тұрғындар әлі де қалып отыр.
Соңғы жылы өңірдегі 24 мыңға жуық жұмыс беруші міндетті медициналық сақтандыру жүйесіне өз қызметкерлері үшін жарналар жасады.
Көрсеткіштерді жақсарту және МӘМС жүйесіне қатысуға барынша көп адамдарды тарту үшін облыста белсенді түсіндіру жұмыстары жүргізілуде. Өзін-өзі жұмыспен қамтушылар бірыңғай әлеуметтік төлем ережелері туралы айтады. Жұмыссыздарға жұмысқа орналасуға көмектеседі.
Ерлан Қошанов жергілікті полиция қызметіне, әділет органдарына және қалалар мен аудандардың әкімдіктеріне емханаға бекітілмеген адамдарды анықтау және олардың МӘМС жүйесіне мәртебесін өзектендіру бойынша жұмысты күшейтуді тапсырды. Сондай-ақ ол МӘМС жүйесіне жарналар жасамайтын жұмыс берушілермен кездесулер өткізуді талап етті.