Ақтөбелік өрт сөндірушілер өрттен 25 адамды құтқарды

Ақтөбелік өрт сөндірушілер өрттен 25 адамды құтқарып, эвакуациялады, деп хабарлайды BAQ.KZ.

21 қыркүйек күні сағат 14:09-да Ақтөбе қаласы, Ағайынды Жұбановтар көшесіндегі көп қабатты тұрғын үйде өрт шыққаны туралы 101 пультіне хабарлама түсті.

Өрт сөндірушілердің жедел әрекеттерінің арқасында авто саты көмегімен 13 адамның, оның ішінде 4 баланың өмірі құтқарылды.

Баспалдақ маршы арқылы 12 адам эвакуацияланды, оның ішінде 2 бала. Өрт сағат 14:16-де жойылды.