Ақтөбеде цехта болған өрт сөндірілді

Ақтөбелік өрт сөндірушілер өндіріс цехындағы өртті сөндірді, деп хабарлайды BAQ.KZ.

26 шілде күні сағат 21:11-де 112 қызметіне Ақтөбе қаласы, 41-разъезд аймағында тұрмыстық ыдыс жууға арналған жуғыш зат өндіріс цехының жануы бойынша хабарлама келіп түскен.

Өртті сөндіруге 101 адам және 19 техника жұмылдырылды.

Шақырту орнына барған кезде өндіріс цехынының 1-қабатындағы қойма шатыры өртенген. Өрттің алаңы 900 шаршы метр.

Қайтыс болғандар мен зардап шеккендер жоқ.

Өрт сағат 22:47-де оқшауланып, 23:15-те сөндірілді.

Өрт сөндірушілердің жедел әрекеттерінің нәтижесінде өрттің басқа да ғимараттарға таралуына жол берілмеді. Қауіп төнген жоқ.

ТЖМ мәліметінше, материалдық құндылықтарды эвуакациялау жұмыстары жүргізілді.

Өрттің шығу себебі анықталып жатыр.