Ақтөбеде скутер жүргізушісі жаяу жүргіншіні қағып кетті

8 қыркүйекте Ақтөбе қаласында Жиенбаев көшесінде жол-көлік оқиғасы болып, 30 жастағы скутер жүргізушісі жаяу жүргіншіні қағып кетті, деп хабарлайды BAQ.KZ.

Қалалық ПД баспасөз қызметінің хабарлауынша, жол апаты салдарынан 42 жастағы жаяу жүргінші оқиға орнында жан тапсырды.

Полиция департаменті жол қозғалысының барлық қатысушыларын ҚР Жол ережелерін қатаң сақтауға шақырады.