Ақтөбеде скутер жүргізген 16 жасар бала жол апатынан қайтыс болды

31 мамыр Әлібек Жангилдин мен Дінмұхаммед Қонаев көшелерінің қиылысында Toyota автокөлігі мен скутер соқтығысқан, деп хабарлайды BAQ.KZ.

Рolisia.kz сайтының мәліметінше, скутерді 16 жасар бала басқарған. 

Кәмелетке толмаған бала оқиға орнында қайтыс болды.

ҚР ҚК 345-бабы 3-тармағы бойынша сотқа дейінгі тергеу басталды.

Естеріңізге сала кетейік, скутер жүргізушілері велосипед жолымен, ал егер жоқ болса, жолдың оң жақ шетінде жүруі керек.