Ақтөбеде синтетикалық есірткі салушы ұсталды

Ақтөбеде синтетикалық есірткі салушы ұсталды, деп хабарлайды BAQ.KZ Polisia.kz-ке сілтеме жасап.

2 сәуір патрульдік полиция қызметкерлері Ағайынды Жұбановтар көшесіндегі жалдамалы пәтерлердің біріне шақырту алды.

Полиция қызметкерлеріне есікті 23 жастағы жігіт ашты, ол полицейлерді көріп, терезеден рюкзакты лақтырып жіберген. Т

ексеру барысында үйдің артқы жағынан жерден қара түсті рюкзак тәркіленді, оның ішінде қара және көк түсті жабысқақ таспамен оралған 267 zip-пакеттер болған. Сондай-ақ электронды таразы, 3 респиратор, 2 медициналық қолғап тәркіленді.

ҚР ҚК 296-бабы 4-бөлігі және 297-бабы 1-бөлігі бойынша сотқа дейінгі тергеу басталды.

Күдікті УҰИ-на қамауға алынды.