Ақтөбеде олимпиадаға бара жатқан оқушылар қаза тапты

Тас жолда болған жол апатынан екі оқушы мен мұғалім қаза тапты, деп хабарлайды BAQ.KZ.

19 желтоқсан күні таңертең Самара-Шымкент тас жолының Қызылжар ауылының маңында жол-көлік апаты болды.

Ақтөбе облысының білім басқармасының мәліметінше, жол апатынан екі оқушы мен бір мұғалім көз жұмған.

Басқарма түсіндіргендей, олар республикалық олимпиаданың облыстық кезеңіне жолдама алған екен.

Сондай-ақ қайғылы оқиғаның барлық мән-жайы анықталып жатқаны айтылады.

Оқиғаның қалған мәліметтері ақпарат болған кезде қосымша хабарланады, - делінген департамент мәліметінде.