Ақтөбе облысының полицейлері жолдарда көмек көрсетуді жалғастыруда

Полицейлер әскерилермен бірлесіп, жолда тұрып қалған ауыр жүк көлігі жүргізушілерін жылыту пункттеріне жеткізу және көліктерді сүйреп шығару бойынша құтқару жұмыстарын жүргізуде, деп хабарлайды BAQ.KZ.

 Полицияның мәлімдеуінше, тек Самара-Шымкент автожолының өзінен (Хромтау және Әйтеке би аудандары) бір күнде 20-дан астам адам жеткізілген.

Естеріңізге сала кетейік, Ақтөбе облысында екінші күні қолайсыз ауа райы - қар жауып, боран соғуда.