Ақтөбе облысындағы су тасқынына қарсы іс-шаралар жүріп жатыр

ТЖМ құтқарушылары Ырғыз ауданындағы Ырғыз, Құйылыс, Мамыр және Жайсанбай елді мекендерінде тасқын судың алдын алу бойынша белсенді жұмыс жүргізуде, деп хабарлайды BAQ.KZ.

Кеше осы мақсатта келесі шаралар атқарылды:

Ұзындығы 60 метр уақытша бөгет тұрғызылды;

3100 дана қапшық төселді;

80 тонна инертті материал төселді;

Еріген қар суының кедергісіз өтуі үшін 838 м арықтар тазартылды.

Барлық жұмыстар су тасқынының салдарын барынша азайтуға және елді мекендерді қорғауға бағытталған. Құтқарушылар жағдайды тұрақты бақылауда ұстап отыр.