Ақтөбе облысын газдандыру деңгейі 92,7%

Ел бойынша жалпы газ өндірудің шамамен 10%-ы Ақтөбе облысының үлесіне тиесілі, деп хабарлайды BAQ.KZ.

Бұл туралы Энергетика министрі Болат Ақшолақов 2022 жылғы 20 тамызда Ақтөбе облысының тұрғындарымен кездесу барысында хабарлады.

Энергетика министрлігі газдың шекті көтерме сауда бағасын бекітеді, ал соңғы бағаны Ұлттық экономика министрлігі бекітеді, ол бүгінгі күні Ақтөбе облысы үшін 1 текше метр үшін 11,57 теңге, ал атаулы әлеуметтік көмек алушылар үшін 9,26 теңге.

2022 жылы Энергетика министрлігінің бюджеттік бағдарламасы аясында 18 жобаны жүзеге асыруға 6,8 млрд теңге бөлінді. Жыл қорытындысы бойынша 14 елді мекенді немесе 9,6 мың адамды газбен қамтамасыз ету жоспарланып отыр.

Тұтастай алғанда, бүгінгі күні Ақтөбе облысын газдандыру деңгейі ел бойынша жоғары деңгейдің бірі болып табылады және 92,7%,(01.01.2022 ж.жағдай бойынша) немесе шамамен 840,7 мың адам табиғи газға қол жеткізді.