"Ақтөбе-Хромтау-Қарабұтақ" автожолы төрт жолақты болады

"Ақтөбе-Хромтау-Қарабұтақ" автожолы келесі жылы төрт жолақты болып қайта жаңартылады, деп хабарлайды BAQ.KZ.

Бүгінгі күні "ҚазАвтоЖол" ұлттық компаниясы "Ақтөбе-Хромтау-Қарабұтақ" автожолында орта жөндеу жұмыстарын жүргізіп жатыр. Жоспарланған 66,1 шақырымның 61 шақырымында жол жабыны жаңартылды.

2025 жылы осы жол учаскесінде қайта жаңарту жұмыстары басталып, қазіргі ІІІ техникалық санаттағы жол І техникалық санатқа ауыстырылады. Жол пайдаланушылар үшін жаңа төрт жолақты жол салынатын болады.

Осы жұмыстар туралы Ақтөбе облыстық филиалының Пайдалану және қозғалыс қауіпсіздігі бөлімінің бас маманы Нұрлан Серғазы баяндайды.