Ақтауда полиция бастығының орынбасары қызметкерін соққыға жықты деп айыпталуда

Ақтауда полиция бастығының орынбасары өзінің қоластындағы қызметкерін соққыға жықты. Аталған видео Желіде жаппай таралып кетті, деп хабарлайды BAQ.KZ.

Lada.kz деректеріне сүйенсек, видео астындағы сипаттамада қызметкерін ұрған полиция өкілі Криминалдық полиция басқармасы бастығының орынбасары Шынболат Дәрібаев екені айтылған.

Маңғыстау облысы полиция департаментінің баспасөз қызметі хабарлағандай, Кадрлық саясат басқармасы жеке құрам бойынша инспекциясы қазіргі уақытта қызметтік тексеріс жүргізіп жатыр.