Ақтауда көктайғақ салдарынан 225 адам медициналық көмекке жүгінді

Соңғы екі күнде Ақтаудағы облыстық көпсалалы ауруханаға көктайғақ салдарынан 225 адам жүгінген, деп хабарлайды BAQ.KZ Lada.kz-ке сілтеме жасап.

Тексеру нәтижесінде 29 науқас травматология бөлімшесіне жатқызылған. Алайда дәрігерлердің ұсынысына қарамастан 9 адам ауруханаға жатудан бас тартқан.

Қазіргі уақытта барлық өтініш білдірген азаматтарға қажетті медициналық көмек көрсетіліп жатыр. Аурухана өкілдерінің айтуынша, көктайғақтың күшеюіне байланысты қабылдау бөліміне келушілер саны артқан.