Ақтауда гүл сататын павильонда екі кондиционер өртенді

Ақтаудың 9-шағынауданында сауда орталығына жапсарлас орналасқан гүл павильонындағы екі кондиционерден өрт шықты.

Өрт 5 шаршы метр аумақты шарпыған. Төтенше жағдайлар қызметі өртті толық сөндірді. Зардап шеккендер жоқ.

Төтенше жағдайлар министрлігі кондиционерлерді пайдалану кезінде өрт қауіпсіздігі ережелерін сақтауды ескертті.

Мамандардың кеңесі:

• Жабдықтың жарамдылығын және электр сымдарының күйін үнемі тексеріп отырыңыз.
• Электр желісіне шамадан тыс жүктеме түсірмеңіз.
• Кондиционерді шаң мен кірден уақытылы тазалаңыз.
• Күйік иісі немесе түтін байқалса, құрылғыны дереу электр желісінен ажыратыңыз.
• Ақауы бар жабдықты пайдаланбаңыз.