Ақтауда 17 жастағы жасөспірім суға батып кетті

Ақтауда 17 жастағы жасөспірім теңізге батып кетті, деп хабарлайды BAQ.KZ Lada.kz сайтына сілтеме жасап.

Қайғылы оқиға 4 тамызда Ақтау қаласындағы 4А ықшам ауданында болды, – деп хабарлады облыстық төтенше жағдайлар департаментінің баспасөз қызметі.

Құтқарушылардың айтуынша, шамамен сағат 15:50-де 2008 жылы туған жас жігіт «Карузо» мейрамханасының маңында рұқсат етілмеген жерде суға шомылып жүрген. Суда жүзіп жүргенде ағыс оны алып кетіп, суға бата бастады.

Куәгерлер оған үрлемелі шар лақтырып көмектеспек болған, бірақ оны толқын алып кеткен.

Сағат 15:50-де 2008 жылы туған жас жігіт жабдықталмаған жерде шомылу кезінде суға батып кетті. Марқұмның денесі табылып, теңізден шығарылды, – деп жазылған ТЖД хабарламасында.