Ақшолақов отынның қай түрін өткізуде шектеулер байқалатынын айтты

Үкімет отырысында Энергетика министрі Болат Ақшолақов отынның қандай түрінде тапшылық байқалатынын айтты, деп хабарлайды BAQ.KZ тілшісі. 

Ауыл шаруашылығы тауарын өндірушілер үшін баға ресурс ұстаушылардың келісімі бойынша 1 тонна үшін 222 мың тенге немесе ҚР МӨЗ FCA шарттарында 1 литр үшін 184 теңге деңгейінде анықталды. Жеткізу мен сақтауды ескере отырып, ауыл шаруашылығы тауарын өңдірушілер үшін баға бөлшек бағадан өңірге байланысты 15-25% -ға төмен, - деді Ақшолақов. 

Министр 22 тамыздағы жағдай бойынша мұнай базаларындағы және жолдағы АИ-92 бензинінің жиынтық қоры 180,0 мың тоннаны құрайтынын айтты. 

 Бұл қажеттілікті 14 күнге жабады. Дизель отынының қоры 220,8 мың тоннаны құрайды, бұл 13 күнге жетеді. ҚР МӨЗ қоры Аи-92 – 71 мың тоннаны, дизель отыны – 53,4 мың тоннаны құрайды. Аи-92 бензині бойынша жағдай тұрақты, ЖМҚС негізгі желілерінде шектеулер жоқ. Сонымен қатар дизель отыны бойынша отын өткізуде шектеулер (талондар мен карталар бойынша отын жіберуге көшу, лимиттер белгілеу) байқалады, - деді ол. 

Министр осыған байланысты логистикалық тізбектің барлық буыны – ҚР МӨЗ ,ҚМГ, ҚТЖ, сондай-ақ мемлекеттік органдардың үйлестірілген жұмысы қажет екенін айтты.