Иран АҚШ-тың келіссөз туралы ұсынысынан бас тартты

Нұр-Сұлтан, BAQ.KZ. Иранның БҰҰ жанындағы тұрақты өкілі Маджид Тахт-Раванчи "АҚШ-тың келіссөз туралы ұсынысының еш мәні жоқ" деп мәлімдеді. Бұл туралы IRNA хабарлады. 

БҰҰ Қауіпсіздік кеңесіндегі АҚШ-тың тұрақты өкілі Келли Крафт Вашингтон аймақтағы қысымды төмендету үшін алдын ала шарттарынсыз Иранмен келіссөзге дайын екенін мәлімдеген болатын.

АҚШ өшпенділігін тоқтатпаса, келіссөз жүргізудің еш мәні жоқ, - деді дипломат.

Сонымен қатар, ол америкалық санкциялар халықаралық құқық нормаларына қайшы келетінін атап өтті. 

Өткен аптада АҚШ әскерилері Бағдаттағы әуежайға соққы жасады. Салдарынан ирандық генерал Касем Сулеймани қаза тапты.