АҚШ-тан есірткі тасымалдаған адамға үкім шығарылды

Ақмола көлік прокуратурасы және Астана қаласының Экономикалық тергеп-тексеру департаменті Қазақстан Республикасының аумағына есірткі құралдарын, оның ішінде халықаралық пошта жөнелтімдері арқылы әкелуге жол бермеуге бағытталған алдын алу шараларын қабылдауда, деп хабарлайды BAQ.KZ.

Бас көлік прокуратурасының мәліметінше, жедел-іздестіру іс-шаралары барысында АҚШ-тан ҚР азаматтарының атына халықаралық почта жөнелтімдері арқылы тұрмыстық өнім ретінде жасырылған есірткі заттары түскені анықталды. "Қазпошта" АҚ Кедендік бақылау аймағында Астана қаласында 1,2 кг гашиш майы тәркіленді. Сонымен қатар, айыпталушының тұрғылықты жерін тінту кезінде Алматыда 4,38 грамм оралған мефедрон табылды.

Астана қаласының қылмыстық істер жөніндегі мамандандырылған ауданаралық соты айыпталушыны аса ірі мөлшерде есірткі және психотроптық заттарды контрабандаға және өткізуге кінәлі деп таныды. 16 жылға бас бостандығынан айыру жазасы тағайындалды, - делінген хабарламада.

Үкім заңды күшіне енген жоқ.