АҚШ-тан депортацияланған мигранттар мінген алғашқы рейс Венесуэлаға қонды

АҚШ билігі елден шығарылған венесуэлалық мигранттарды мінгізген алғашқы депортациялық ұшақты Венесуэлаға жіберді, деп хабарлайды BAQ.KZ Euronews сайтына сілтеме жасап. 

Ұшақ Венесуэланың Каракас қаласындағы халықаралық әуежайға қонған. Бортта ондаған мигрант болған. Олардың көбі АҚШ шекарасынан заңсыз өткені немесе құжаттарының талапқа сай болмағаны үшін елден шығарылған.

Бұл рейс — АҚШ пен Венесуэла арасындағы көші-қон келісімдерінің жандануының алғашқы белгісі. Бұған дейін екі ел арасындағы дипломатиялық қарым-қатынастар салқындаған болатын, ал соңғы айларда мигранттар легі күрт артқан.

АҚШ үкіметі мигранттарды кері қайтару процесін жүйелі жолға қоюды көздеп отыр, ал Венесуэла тарапы өз азаматтарын қабылдауға келісім берген.