Бүгiн 2026, 07:14
Фото: Evelyn Hockstein / Reuters
Трамп: АҚШ Ормуз бұғазын ешбір елдің бақылауына бермейді
АҚШ бұл аймақтың ашықтығын қамтамасыз етеді және кез келген бақылау орнату әрекеттері қабылданбайды.
АҚШ президенті Дональд Трамп Ормуз бұғазы халықаралық су айдыны екенін айтып, оны ешбір елдің бақылауына беруге болмайтынын мәлімдеді.
Бұл туралы ол Ақ үйдегі министрлер кабинетінің отырысында Иран мен Оманның бұғазға уақытша бақылау орнату бастамасына қатысты сұраққа жауап беру барысында айтты.
Бұғаз барлығына ашық. Бұл халықаралық сулар, оны ешкім бақылай алмайды, - деді Трамп.
Оның айтуынша, АҚШ бұл аймақтың ашықтығын қамтамасыз етеді және кез келген бақылау орнату әрекеттері қабылданбайды.
Трамп сондай-ақ халықаралық суларды бақылау мүмкін еместігін атап өтіп, бұл мәселе АҚШ жүргізіп жатқан келіссөздердің бір бөлігі екенін жеткізді.