АҚШ пен ЕО арасындағы сауда келісімі: Франция шарап үшін күресуде

Франция АҚШ пен Еуроодақ (ЕО) арасындағы сауда келісімі аясында шампан мен шарап түрлерін 15 пайыздық баж салығынан босатуға тырысуда. Бұл туралы The Financial Times басылымы жазды, деп хабарлайды BAQ.KZ.

Франция шампан мен басқа да шарап өнімдерін америкалық баж салығынан босатуды талап етіп отыр. Еуропалық шенеуніктер Вашингтонмен жасалған сауда келісімі шеңберінде жеңілдік алуға барынша тырысуда, – деп жазды басылым.

ЕО өкілдері жаңа америкалық баж салығы қолданылмайтын өнімдер тізіміне мүмкіндігінше көп тауар енгізуді көздеп отыр. Дегенмен, шарап пен шампанды бұл тізімге қосу мәселесі әлі де талқыланып жатыр.

Мен спирттік ішімдіктер бағыты бойынша, біз шарапқа қарағанда басқа өнімдер бойынша көбірек ілгерілеген сияқтымыз. Алайда бұл саладағы келіссөздер әлі де жалғасып жатыр, – деп келтіреді FT Еуроодақ өкілінің сөзін.

Басылым мәліметінше, француз алкоголь өнімдерінің үштен бірі АҚШ-қа экспортталады. Оның негізгі бөлігін шарап өнімдері құрайды.

Айта кетейік, АҚШ пен ЕО 28 шілдеде жаңа сауда келісіміне келген болатын. Бұл келісім Еуроодаққа Вашингтон енгізген 30% баж салығынан құтылуға мүмкіндік берді. Алайда, оның орнына ЕО өз экспортының басым бөлігіне, соның ішінде автомобильдерге, 15% тарифті сақтауға келісім берді. Сонымен қатар, Брюссель АҚШ-тың 750 млрд долларлық энергиясын сатып алуға және Америка экономикасына тағы 600 млрд доллар инвестиция салуға міндеттелді.