Ақпан айында қанша автокөлік құралы есепке қойылды

2025 жылғы ақпанда 149,2 мың бірлік автокөлік құралы есепке қойылды, деп хабарлайды BAQ.KZ.

Бұл көрсеткіш өткен жылдың сәйкес кезеңімен салыстырғанда 9,2% артты.

Оның ішінде жеңіл автомобильдер саны 8%, жүк автомобильдері 26,2% артты, ал автобустар 6,8% кеміді.

2025 жылғы 1 наурыздағы жағдай бойынша Қазақстанда тіркелген автокөлік құралдарының саны 5791,7 мың бірлікті құрады, оның ішінде 88,1% жеңіл автомобильдер, 9,9% жүк автомобильдері және 2% автобустар.