Ақмолалық дәрігерлерге 5 млн теңге көлемінде бюджеттік кредит берілді
Ақмола облысы Целиноград аудандық ауруханасының директоры Дәурен Сибанбаев ауылдарда кадрларды ұстап қалу жөніндегі шаралар туралы айтты, деп хабарлайды BAQ.KZ тілшісі.
Президент "Қазақстан Республикасының кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойған болатын. Онда ауылдық жерге жұмысқа келген медицина қызметкерлеріне біржолғы төлем беруді көздейді.
Ақмола облысы Целиноград аудандық ауруханасының директоры Дәурен Сибанбаев ауылдарда кадрларды ұстап қалу жөніндегі шаралар туралы айтты.
2023 жылы Целиноград аудандық емханасына барлығы 18 дәрігер, ОМҚ – 20, ҚМҚ – 8 медицина қызметкерлері жұмысқа тартылса, 2024 жылы 5 - дәрігер, ОМҚ – 12 жұмысқа орналастырылған.
2023 жылы Ақмола облысының әкімінен 2 500 000 теңге мөлшерінде біржолғы төлем түрінде әлеуметтік қолдау алынды. Мұндай мүмкіндікті 23 медицина қызметкері, атап айтқанда 13 жалпы тәжірибелік дәрігері, 2 педиатр дәрігер, 1 акушер-гинеколог дәрігер, 1 кардиолог дәрігер, 1 реабилитолог дәрігер, 1 эпидемиолог дәрігер, 1 инфекционист дәрігер, 1 стоматолог дәрігер және № 1, 2 ЖТД бөлімшесінің 2 меңгерушісі пайдаланды. Олар жас мамандар, сондай-ақ республиканың әртүрлі аймақтарынан келген практикалық тәжірибе, олар өз кезегінде үшжақты келісім жасасу арқылы Целиноград аудандық емханасында 3 жыл жұмыс істеуге міндеттенеді, - деп атап өтті ол.
Ал 2024 жылы Ақмола облыстық мәслихатының шешімі негізінде 26 дәрігердің 9-ы 5 млн теңге көлемінде алған.
Бұдан басқа, медицина қызметкерлері әлеуметтік қолдау шаралары үшін аудан әкімдігіне жүгінуге құқылы. Жыл басынан бері 2000-2500 АЕК мөлшерінде тұрғын үйді сатып алу үшін бюджеттік кредит беріліп, қызметкерлер 100 АЕК мөлшерінде біржолғы жәрдемақы алды, - деді басшы.
Сонымен қатар қызметкерлер үшін аудан әкімдігі баспанаға мұқтаж дәрігерлерді орналастыру үшін 3 жалдамалы пәтер бөлген. Дәурен Сибанбаев мұндай тұрғын үйлер қызметкерлердің өтініші негізінде бөлінеді және тұрғын үй комиссиясында қаралатынын атап өтті.