Ақмолалық азамат 62 шетелдік көліктерді заңсыз есепке қойған

Мамыр айының ортасында «Азаматтарға арналған үкімет мемлекеттік корпорациясы» ҰАҚ-тың Ақмола облысы бөлімшесінде жалған құжаттарды пайдалана отырып, шетелден әкелінген 62 автокөлік құралын есепке заңсыз қою фактілері анықталды, деп хабарлайды BAQ.KZ.

Ақмола облысы ПД-ның Ұйымдасқан қылмысқа қарсы күрес басқармасының қызметкерлері Ақмола облысының "Азаматтарға арналған үкімет мемлекеттік корпорациясы" ҰАҚ ішкі қауіпсіздік қызметімен өзара іс-қимыл барысында жалған құжаттарды пайдалана отырып, шетелден әкелінген 62 автокөлік құралын есепке заңсыз қою фактілерін анықтады.

Шығын көлемі 500 млн теңгені құрады.

Бұл факт ҚР ҚК 385-бабының 3-бөлігі бойынша сотқа дейінгі тергеп-тексерулердің бірыңғай тізілімінде тіркелді. 30 жастағы жігіт анықталып, оның аталған фактіге қатыстылығы тексерілуде. Бұл іс экономикалық тергеу департаментіне жолданды, – делінген полиция хабарламасында.

Полицейлер тексеруді жалғастыруда.