Ақмола облысының ПД-де алғаш рет тұсаукесер рәсімі өткізілді

Полиция полковнигі анықтау басқармасының бастығы Қанат Рыспаев пен оның жұбайы учаскелік полиция инспекторы подполковник Анар Рыспаеваға Наурыз Мейрамы биыл ерекше, деп хабарлайды BAQ.KZ.

Көктемнің басты мерекесі қарсаңында полицейлердің қызы - бір жасар Мәрияммен қазақтың ежелгі тұсаукесер рәсімі өткізілді. 

Тұсауын кесу құрметі Департаменттің бірінші басшысы генерал-майор Думан Таевқа берілді. Бүкіл іс-шара шашу рәсімімен жүрді. 

Наурыз Мейрамы мерекесіне орай қалыптасқан дәстүр бойынша ведомстволық мұражайда киіз үй түріндегі арнайы бұрыш безендіріліп, дастархан жайылып, іс–шара қонақтары наурыз көже мен ұлттық тағамдардан ауыз тиді.