Ақмола облысында туберкулезді емдеу мерзімі қысқартылды

Нұр-Сұлтан, BAQ.KZ. Қазақстанда туберкулезді анықтау, алдын алу және емдеу тегін медициналық көмектің кепілдік берілген көлеміне кіреді және бұл кеселді емдеу тегін жүргізіледі. Ақмола облысында туберкулез дертін емдеу үшін екі миллиардтан астам теңге бөлінеді. Облыста туберкулезді емдеу мерзімі 20 айдан 12 айға дейін қысқарды. Бұл туралы «Әлеуметтік медициналық сақтандыруды қоры» Ақмола облыстық филиалы хабарлады.

2019 жылы мемлекеттік бюджеттен туберкулезбен ауыратын науқастарға диагностика, емдеу және әлеуметтік көмек көрсету үшін 47,7 млрд теңге бөлінді.

Қ.Құрманбаев атындағы Ақмола облыстық туберкулезге қарсы күрес диспансерінің ресми статистикасына сәйкес, 2018 жылы диспансерде 623 адам, соның ішінде 18 жасқа дейінгі 25 бала, оның ішінде 274 белсенді туберкулездің ашық түрімен ауыратындар емделген. 2018 жылы 419 науқасқа алғаш рет диагноз қойылды. 

Аймақтағы ауруға шалдығу деңгейін төмендетуге жақсы серпін берген жоба - флюорографиялық сараптама. Оның арқасында жоғары тәуекел тобын 100% анықтау қамтамасыз етілді. 

Сонымен қатар, балаларды әдеттегі вакциналау проблемалары бар. 138 бала ата-анасының бас тартуы салдарынан БЦЖ вакцинасы жасалмаған.

2016 жылдан бастап облыста туберкулезге қарсы жаңа препараттар мен қысқа мерзімді емдеу енгізіліп, туберкулезді емдеу мерзімі 20 айдан 12 айға дейін қысқартылды. Жаһандық қордың және «Серіктестер денсаулық үшін серіктестер» халықаралық ұйымының пилоттық жобалары шеңберінде дәрілікке төзімді туберкулезді ертерек диагностикалау және емдеу бойынша келесі шаралар қабылдануда:

- Көкшетау қаласының 5 ауданында және қалалық емханасында туберкулезді диагностикалау уақытын 3 айдан 2 сағатқа дейін қысқартатын жедел-диагностикалық  жабдықтар мен автокөлік құралдары бар;

- микобактерия туберкулезін шығармайтын және басқа адамдарға қауіп төндірмейтін науқастар тұрғылықты жердегі емханаларда бақылауға алынады;

- 60 науқас әлеуметтік пакеттерге ие болды, 62 науқасқа жол жүру шығындары өтеледі, үйде науқасқа қызмет көрсететін емханалардың медициналық қызметкерлеріне қосымша ақы төленеді;

- науқастарға бейне-кеңестер беру мобильдік қосымшалар арқылы жүзеге асырылды, 47 емделуші емделуге жіберілді.