Ақмола облысында өрт сөндірушіні еске алды

Бүгін Ақмола облысы ТЖ департаментінің қызметкерлері Абай облысында қызметтік борышын өтеу кезінде қаза тапқан өрт сөндірушіні бір минут үнсіздікпен еске алды, деп хабарлайды BAQ.KZ.

Естеріңізге сала кетейік, 2022 жылғы 7 қыркүйекте Абай облысы Жарма ауданы Божүгір ауылдық округіндегі бірінші ауыл учаскесінде болған табиғи өртті сөндіру кезінде тілсіз жаумен күресте № 22 өрт сөндіру бекетінің өрт сөндіру көлігінің жүргізуші-қызметкері, азаматтық қорғау сержанты Айдос Тоғызбаев қаза тапты.

ҚР Президентінің Жарлығымен көрсеткен ерлігі үшін азаматтық қорғау сержанты Айдос Тоғызбаев қаза тапқаннан кейін III дәрежелі «Айбын» орденімен марапатталды.