Ақмола облысында екі банкоматты сындырған ер адам видеоға түсіп қалды

Оқыс оқиға Ақмола облысының Атбасар ауданында тіркелді. Мас ер адам осы жолмен екі банкоматқа залал келтірген, деп хабарлайды BAQ.KZ.

Атбасар аудандық ПБ-ға банктік қызмет көрсету орталықтарының бірінің басшысынан арыз келіп түсті. Белгісіз адамның қаржы ұйымына тиесілі екі банкоматқа зақым келтіргені хабарланды.

Шығын көлемі – 2,7 млн теңге.

Қылмыскердің барлық әрекеттері банктің бейнебақылау камерасына түсіп қалған. Қылмысқа қатысы бар адам анықталды. Қазір істің басқа да мән- жайлары анықталып жатыр. ҚР ҚК 202-бабының 1-бөлігі бойынша сотқа дейінгі тергеу басталды, – делінген полиция хабарламасында.