Ақмола лагерінде санитарлық кітапшасыз жұмыс істеген қызметкерлер анықталды

ҚР Бас прокурорының тапсырмасы бойынша Ақмола облысының прокуратурасы балалардың сауықтыру орталықтарының (балалар лагерлерінің) қызметінде кешенді тексерулер жүргізуде, деп хабарлайды BAQ.KZ.

Тексерудің алдын ала нәтижелеріне сәйкес лагерьлерде санитарлық-эпидемиологиялық заңнама, өрт қауіпсіздігі, еңбек, білім беру, медициналық заңнама және т.б. талаптарының бұзылуы анықталды.

Мысалы, балаларды сауықтыру орталықтарының бірінде 21 қызметкердің 18-і еңбек шарттарынсыз және санитарлық кітапшаларсыз қабылданған. Лагерьде 100 баланың орнына белгіленген нормадан көп баланың бір мезгілде болу фактілері анықталды, іс жүзінде демалыста 170 бала бар. Балаларды сауықтыру орталықтарының аумақтары мен үй-жайларын тексеру кезінде спирттік ішімдіктерден бос бөтелкелер, темекі бумалары, құрамында спирті бар сусындарды өндіруге арналған айшықты аппарат, пневматикалық қару, балалар лагерінің ас үй аймағында сақталған тышқанның уы және басқа да тыйым салынған заттар табылды, - делінген хабарламада.

Кейбір баланы сауықтыру орталықтарының әкімшілігі балаларды тиісті нұсқаушылардың (құтқарушылардың) сүйемелдеуінсіз жаппай шомылу орындарына (шомылуға тыйым салынады) апару фактілер анықталды.

Тексеру іс-шаралары жалғасуда және нәтижелері бойынша шаралар қабылданатын болады.