Апаттар медицинасы орталығы экологиялық акцияға қатысты

Апаттар медицинасы орталығы "Таза Қазақстан" экологиялық акциясына қатысуды жалғастыруда, деп хабарлайды BAQ.KZ.

Бұл туралы Төтенше жағдайлар министрлігі мәлімдеді.

Апаттар медицинасы орталығының қызметкерлері "Таза Қазақстан" экологиялық акциясы аясында өтетін апта сайынғы сенбіліктерге қатысуда.

Апаттар медицинасы орталығының аумақтық филиалдары мен трассалық медициналық-құтқару пункттері айналаны көгалдандыру, қоқыстарды жинау, ағаштарды отырғызу және әктеу жұмыстарын белсенді жүргізіп жатыр.