Андрей Лукин ҰҚШҰ Үйлестіру кеңесіне қатысты
Андрей Лукин ҰҚШҰ Үйлестіру кеңесіне қатысты, деп хабарлайды BAQ.KZ.
Сенаттың Халықаралық қатынастар, қорғаныс және қауіпсіздік комитетінің төрағасы Андрей Лукин Ұжымдық қауіпсіздік туралы шарт ұйымы Парламенттік Ассамблеясы Кеңесінің жанындағы ҰҚШҰ-ға мүше мемлекеттер парламенттерінің қорғаныс және қауіпсіздік комитеттерінің төрағаларынан құралған Үйлестіру кеңесіне қатысты.
Шараға қатысушылар әскери және әскери-техникалық ынтымақтастықты дамыту, ұжымдық қауіпсіздікке төнетін қауіп-қатерге ҰҚШҰ аясында қарсы тұру, қоғамдық қауіпсіздікті қамтамасыз ету, есірткі бизнесі және заңсыз көші-қонмен күрес мәселелерін талқылады.
Сенатор Андрей Лукин өз сөзінде Қазақстан Президенті Қасым-Жомарт Тоқаев ұсынған ҰҚШҰ-ға қазақстандық төрағалықтың басымдықтарын іске асыру барысы және ол барлық мүше мемлекеттер тарапынан қолдау тауып отырғаны туралы айтты.
Жетекші халықаралық ұйымдармен ынтымақтастықты тереңдету Қазақстанның ҰҚШҰ-ға төрағалық етуіндегі негізгі басымдықтардың бірі болып белгіленді. Осы бағытты жүзеге асыру аясында БҰҰ, ТМД, ШЫҰ және басқа да халықаралық ұйымдармен жоспарлы түрде жұмыстар жүргізілуде. Қазақстанның күш-жігері төрағалық ету кезеңінде ұйымда қалыптасқан сабақтастықты қамтамасыз етуге және барлық мүше мемлекеттердің мүддесіне орай ҰҚШҰ аясындағы ынтымақтастық жөніндегі жарғы бағыттарын жүйелі нығайтуға бағытталған, - деді Андрей Лукин.
Отырысқа қатысушылар сонымен қатар технологиялық қауіпсіздікті қамтамасыз ету және табиғи апаттардан қорғау мәселелерін де талқылады.