Алматының өңірлік өнімі 5,3 трлн теңгеге жетті

2024 жылдың бірінші тоқсанында Алматының жалпы өңірлік өнімі 4,7% өсті, деп хабарлайды Алматыдағы BAQ.KZ тілшісі.

Бұл туралы Алматы қаласының Экономика басқармасы мәлімдеді.

Көлік, құрылыс, тұрғын үйді пайдалануға беру, байланыс және сауда сияқты салалар өсімнің драйверлері болды. Қысқа мерзімді экономикалық индикатор 0,6%-ға өсіп, 102,4% көрсетті. 2024 жылы экономиканың өсімі 5,5% деңгейінде болады деп болжанып отыр. Бұрын хабарланғандай, 2023 жылы Алматының ЖӨӨ 24,8 трлн теңге болды, бұл соңғы 10 жылдағы рекордтық көрсеткіш, - деді Алматы қаласының Экономика басқармасы.