Алматының Наурызбай ауданына 220 қарағай отырғызылды

Алматы, BAQ.KZ. Алматы қаласы Жасыл экономика басқармасы күзгі ағаш отырғызу жұмыстары жалғасып жатқанын хабарлады.

Кеше Жасыл экономика басқармасы Наурызбай ауданы әкімінің аппаратымен бірлесіп, Абай көшесінің солтүстігінде, әкімдік ғимаратының жанына 220 қарағай отырғызды, - делінген хабарламада.

Еске салайық, «Jasyl Almaty» бастамасы бойынша биыл оңтүстік астанада 290 мың ағаш отырғызу жоспарланған.

Сондай-ақ, қала тұрғындары өз үйлерінің алаңдары мен саябақтарға ағаш отырғызғылары келетінін айтқан. Жасыл экономика басқармасы бұл тұрғыда ағаш тағайындауға әзір екендерін жеткізді.