Алматының екі ауданында өрт болды

ТЖМ құтқарушылары Алматы қаласының екі ауданындағы өртті сөндірді, деп хабарлайды BAQ.KZ ведомствоға сілтеме жасап.

Белгілі болғандай, Әуезов ауданы Сүлейменов көшесі бойындағы екі қабатты тұрғын емес үйде өрт шыққан.

80 шаршы метр алаңда үйдің шатыры мен бөлмелерінде өрт шықты. Адамдарды эвакуациялау іс-шаралары қажет болмады, - делінген хабарламада.

Сондай-ақ  Алмалы ауданы Байзақов көшесі алты қабатты тұрғын үйдің төртінші қабатында 5 шаршы метр алаңда үй заттары өртенді.

Құтқарушылардың қабылдаған шараларының арқасында өрттер сөндірілді, зардап шеккендер жоқ, өрттердің себебі анықталып жатыр, - деп атап өтті ведомстводан.

ТЖМ азаматтарды өрт қауіпсіздігі ережелерін сақтауды сұрайды.