Алматылық дәрігерлер жүре алмай қалған науқасты қайта аяққа тұрғызды

Мегаполисте орталық қалалық клиникалық ауруханаға коксартроз – жамбас буынының ауыр ауруына байланысты жүру қабілетін жоғалтқан науқас келіп түскен, деп хабарлайды Алматыдағы BAQ.KZ тілшісі.

Науқасты аяққа тұрғызуға ортопед Нұралы Нұржан Әбдәкімұлы және бөлім меңгерушісі Берік Эрикұлы еңбек еткен.

Мен көптеген травматолог пен ортопедтерге бардым, бірақ олардың бәрі маған қосымша ауруларымның болуына байланысты ота жасаудан бас тартты. Мен қайта жүре аламын деген үмітімді жоғалтып та үлгердім. Осы ауруханада травматолог Нұралы Нұржан Әбдәкімұлы мен бөлімше меңгерушісі Берік Ирғалиев менің жағдайымды талқылап, көмектесуге шешім қабылдады, - дейді науқас көзіне жас алып.

Әйелге жамбас буынын толық эндопротездеу отасы жасалған.

Ота сәтті өтті. Біз оң жақ жамбас буынына толық эндопротез жасадық, бұзылған буынды жасанды протезбен алмастырдық, бұл ауырсынуды толығымен жоюға және қозғалғыштықты қалпына келтіруге мүмкіндік берді. Ота анестезиолог Айдын Сейілбекұлымен бірге орындалды, - дейді ота жасаған дәрігер Нұржан Нұралы.

Науқас қайта жүру және ауыртпалықсыз өмір сүруге мүмкіндік берген дәрігерлерге шын жүректен алғысын білдірді.

Коксартроз - артикулярлық шеміршекті бұзатын, қозғалыстың шектелуіне, қатты ауырсынуға және мүгедектікке әкелетін дегенеративті ауру. 

Бұл науқастың жағдайында процесс хирургиялық араласусыз қалпына келтіру мүмкін болмайтындай дәрежеге жеткен. Ортопедтердің кәсібилігінің арқасында әйел толыққанды өмірге оралды.