Алматылық кәсіпкерлер салық амнистиясын ең көп пайдаланған

Нұр-Сұлтан, BAQ.KZ тілшісі. Салықтық рақымшылықты еліміздегі қандай қала мен облыстар барынша көп пайдаланғаны туралы қаржы вице-министрі Берік Шолпанқұлов айтып берді. 

Егер аймақтарды қарастыратын болсақ, салықтық рақымшылықты қолданған кәсіпкерлердің ең көп саны келесі аудандар мен қалаларда байқалады: Алматы - 6513 шағын және орта бизнес; Түркістан облысы - 5 196 салық төлеуші; Алматы облысы - 5 054 салық төлеуші; Нұр-Сұлтан - 3729 салық төлеуші, - деп мәлімдеді Шолпанқұлов бүгінгі баспасөз мәслихатында. 

Оның айтуынша, Алматы қаласында кәсіпкерлердің шамамен 1,1 млрд теңгені құрайтын айыппұлдар мен өсімпұлдары есептен шығарылған.

Келесі аймақтар: Ақтөбе облысы - 1 млрд теңге; Нұр-Сұлтан қаласы бойынша  - 750 миллион теңге; Қостанай облысында - 413 миллион теңге есептен шығарылды, - деді вице-министр.

Бұдан басқа, салықтардың ең көп төленген сомасы да Алматы қаласына тиесілі - 6,5 млрд теңге салықтық берешек төленген. Нұр-Сұлтанда - 1,9 млрд теңге және Алматы облысында - 675 млн теңге.

Вице-министрдің сөзіне сүйенсек, келесі өңірлердің тұрғындары жоғары белсенділік танытқан. Алматыда - 100 769 адам берешекті өтеген. Түркістан облысында - 74 893 жеке тұлға және Шымкентте - 62 015 адам өтеген.