Алматыдағы Орталық саябақтан өрт шықты

Қызыл жалын жедел ас дайындау дүңгіршегінен шыққан, деп хабарлайды Алматыдағы BAQ.KZ тілшісі.

Оқиға орнына ТЖД жеке құрамынан 17 адам және 4 техника аттанған.

Аталған жағдайға қатысты Алматы қаласының ТЖД баспасөз қызметі пікір білдірді.

Өрт сөндірушілер сағат 14.52-де Медеу ауданындағы Гоголь көшесі, 1- мекенжайы бойынша отқа оранған жерге аттанды. Құтқарушылар 30 шаршы метр алаңды алатын 3 жедел ас дайындау дүңгіршегіндегі өртті жойды. Абырой болғанда зардап шеккен адамдар жоқ. Оқиға орнына ТЖД жеке құрамынан 17 адам және 4 техника жұмылдырылыды,- деді Алматы қаласының ТЖД баспасөз қызметі.