Алматыда жер дүмпулері әлі де болуы мүмкін

Алматыдағы жер сілкінісінен кейін, сейсмологтар тұрғындарға халықты қабылдау пунктерінде 16.00-ге дейін болуды өтінді, деп хабарлайды Алматыдағы BAQ.KZ тілшісі.

Бұл туралы Сейсмологиялық бақылау және зерттеу ұлттық ғылыми орталығының директоры Дәулет Сәрсенбаев мәлімдеді. 

Алматы қаласында 4 наурыз күні 11 сағат 22 минута жер сілкінісі болды. Қазіргі таңда афтершок қайталануы мүмкін. Олардың қуаттылығы әлсіз сезіледі. Сабыр сақтап, халықты қабылдау пунктерінде 16.00-ге дейін болуды өтінеміз. Сейсмикалық жағдайды бақылау коммисиясының қортындысы қосымша жариялайтын боламыз, – дейді Дәулет Сәрсенбаев.