Алматыда вакцинациядан кейін дәрігер коронавирус жұқтырды
Нұр-Сұлтан, BAQ.KZтілшісі. Алматыда медицина қызметкері COVID-19-ға қарсы вакцинациядан кейін коронавирус жұқтырған. Дәрігер бұл туралы өзінің Іnstagram-дағы парақшасында жазды.
Ол жұқтыру қаупі туралы білгенін және әлі де КВИ-ға қарсы вакцина салу керектігін айтты.
Гинеколог-эндокринолог Иван Мельников репродуктивті медицина институтында жұмыс істейді. Дәрігер 2 наурызда «Спутник V» вакцинасын алғанын және вакцинадан кейін өзін жақсы сезінгенін айтқан.
Менің медбикем және тағы бірнеше қызметкер вакцинациядан кейінгі алғашқы үш күнде әлсіздік, денелерін ауырсынып, температурасы 37,5 градусқа дейін көтерілді. Алғашқы бірнеше күнде менде мұндай белгілер байқалмады, - деді ол.
8 наурыз күні кешке дәрігер әлсіздік сезінген. Қатты шаршағаннан болар деп, аса мән бермей жатып қалады. Бірақ келесі күні таңертең дәрігер өзін өте нашар сезініп тұрады, онымен қоса құрғақ жөтел пайда болған.
Сағат 14.00-ге дейін мені қатты әлсіздік, ауырсыну және арқа мен аяқтың ауырсыну сезімі мазалады. Бас ауруы болды, температура көтеріле бастады. 10 наурызда қабылдауды жауып, COVID-19-ға ПТР тест тапсырдым. Келесі күні кешке маған оң нәтиже туралы хабарлады. Әлсіздік өне бойымды басып тұрды. Жедел жәрдем шақырып, мен ауруханаға жаттым, - деп қосты гинеколог-эндокринолог.
Ол әлі күнге дейін ауруханада жатыр.
Иван Мельников вакцина коронавирустық инфекциядан толық қорғамайтынын біледі. Ол әлемдік медицинада «коронавирустың қорғаныс дәрежесін вакцинация нәтижесінде пайда болған антиденелер деңгейімен байланыстыруға» мүмкіндік беретін нақты мәліметтер жоқ екенін атап өтті.
Біріншіден, антиденелер аз мөлшерде немесе жеткілікті мөлшерде жасалуы мүмкін. Жеке реакцияның әсерінен оларды мүлдем жасау мүмкін емес. Мұндай жағдайлар сирек кездеседі.
Екіншіден, антиденелердің қай деңгейі инфекцияны жұқтырмас үшін жеткілікті, ал қайсысы олай емес деп ешкім сенімді түрде айта алмайды. Бұл проблемалар әлемдегі барлық вакцинаға тән, - деді ол.
Бұған дейін Lancet беделді медициналық журналында «Спутник V» вакцинасын зерттеудің үшінші кезеңінің алдын ала мәліметтері жарияланған болатын. Бұл ақпаратқа сәйкес оның тиімділігі 91,6 пайызды құрайды.
Шындығында, бұл зерттеуге қатысушылардың кейбіреулері ауырып қалғанын білдіреді. Нақты вакцина инъекциясын қабылдаған топта (14 964 адам) 16 адам ауырып қалды немесе дәрі-дәрмекпен инъекцияланғандардың 0,1 пайызы. Құрамына 4902 адам кірген плацебо тобында 62 адам ауырып қалды, инъекциядан өткендердің 1,3 пайызы. Мұндай жағдайлар препараттың алғашқы дозасын алғаннан кейін 21 күн өткен соң тіркелген. Зерттеудің бірнеше қатысушысы вакцинациядан кейін иммундық реакция мүлдем дамымағанын көрген, бұл олардың егде жасына немесе жеке ерекшеліктеріне байланысты болуы мүмкін деп атап өтті ғалымдар.
Сенімді дереккөздерге сілтеме жасай отырып, вакцинадан кейінгі инфекция кез келген уақытта болуы мүмкін деп айтуға болады. Бірінші дозадан кейін де, екіншісінен кейін де. Бірақ ғалымдар вакцинация ауруды жеңілдетеді дейді. Мен мұны өзім сезген жоқпын. Мен ауырғаныма қарамастан, вакцинаны қолдаймын. Ол міндетті түрде біреуге көмектеседі. Алты айдан кейін міндетті түрде екпенің екінші кезеңінен өтемін, - деді ол.
Алматы қаласының Қоғамдық денсаулық басқармасы хабарлағандай, Мельников коронавирус анықталғаннан кейін бірден дәрігерлерге жүгінген.
Науқас КВИ белгілерін байқаған бойда дәрігерлерге жүгініп, жедел жәрдем шақырды. Ол коронавирустық инфекцияның орташа дәрежесімен модульдік ауруханада 7 күн жатты. Коронавирустың расталғаны туралы ол тіркелген №17 емханаға және Алматы қаласы Санитарлық-эпидемиологиялық бақылау департаментіне хабарланды. 19 наурызда ол амбулаторлық бақылау үшін үйге шығарылды. №17 қалалық емхана күн сайын науқастың жағдайына бақылау жүргізеді, - деп атап өтті баспасөз қызметінен.
Дәрігер ауырып қалғаннан кейін оның қарамағандағы емделушілер хабарлама жазып, оның денсаулығына алаңдап, хабарламалар қалдырған екен. Бірақ «Мен саған сендім, сен ауырып қалдың! Сен қандай адамсың!?» деген сыңайда хабарлама жолдағандар да бар екен.
Менің қымбатты оқырмандарым, жазылушыларым және пациенттерім. Сіз шынымен дәрігер адам емес және оның ауруға, шаршауға, демалуға құқығы жоқ деп ойлайсыз ба? Дәрігер өзінің денсаулығына зиян келтіре отырып, тәулігіне 24 сағат сіздің құзырыңызда болып, сіздің айтқандарыңызды бұлжытпай істеу керек деп кім айтты?! Бірақ, қуанышқа орай, негатив жазатын адамдарға қарағанда, денсаулық тілеп, жақсы тілектер жазып жатқан адамдар көп. Мен өз жұмысымды, ұжымымды жақсы көремін. Бірақ сіздердің денсаулықтарыңыз бен қауіпсіздіктеріңізді ойлап, дәл қазір мен жұмысқа шықпаймын, - деп жазды ол.