Алматыда түнде жеке үй, гараж және монша өртенді

Алматыда жексенбіге қараған түні жеке үй, гараж және монша өртенді, зардап шеккендер мен құрбандар жоқ, деп хабарлайды BAQ.KZ.

Төтенше жағдайлар министрлігінің баспасөз қызметі оқиғаның егжей-тегжейін хабарлады.

Жетісу ауданы И.Крылов көшесіне, шақырту орнына жеткен өрт сөндірушілер монша, гараж және жеке үй өрттеніп, жалын көрші шаруашылық құрылысқа көшкенін анықтады, - делінген хабарламада.

Өрт сөндірушілер дереу суды үздіксіз жеткізіп, әмбебап оқпандарды қосу арқылы өрттің көрші үйлерге тарау қаупін жойды.

200 шаршы метр аумақты шарпыған өрт сөндірілді. Зардап шеккендер жоқ.