Алматыда тепловоз автобуспен соқтығысты

Қоғамдық көліктің 6 жолаушысы зардап шекті. Жол-көлік оқиғасы бүгін сағат 11:40-та Алматының Алмалы ауданында болған, деп хабарлайды Алматыдағы BAQ.KZ тілшісі.

Аталған жағдайға қатысты Алматы қаласының Полиция департаментінің баспасөз қызметі пікір білдірді.

Жергілікті полиция қызметінің кезекші бөлімінің хабарлауынша, бұл жол-көлік оқиғасы бүгін сағат 11:40-та Алматының Алмалы ауданында болған. Жеке тасымалдаушыға тиесілі 88-бағыттағы автобус, Әуезов көшесімен солтүстік бағытта келе жатып, Гоголь көшесінің солтүстігінде, батысқа қарай темір жол бойымен келе жатқан тепловозбен соқтығысқан. Оқиға салдарынан қоғамдық көліктің 6 жолаушысы зардап шекті. Оларға медициналық көмек көрсетілді. Оқиғаның басқа да мән-жайлары анықталып жатыр,- деді Алматы қаласы полиция департаментінің ресми өкілі Салтанат Әзірбек.