Алматыда тау бөктерінде тұрған үй өртенді

Алматылық өрт сөндірушілер таулы аймақтағы өртті сөндірді, деп хабарлайды BAQ.KZ.

Төтенше жағдайлар министрлігінің мәліметіне сүйенсек, Медеу ауданында таулы жерде орналасқан бау-бақша серіктестіктерінің бірінде жеке тұрғын үйден өрт шыққан.

Арнайы техникаға жарамды жолдардың жоқтығына қарамастан, өрт сөндірушілер жолдың бір бөлігін жаяу тік беткеймен жүріп өтіп, ұзындығы 700 метр жең желісін төсеп, өртті сөндіруге кірісті, - делінген ведомство таратқан ақпаратта.

Бұдан кейін сөндіру жұмыстары кезінде көлемі 25 литр болатын 2 газ баллоны табылып, эвакуацияланды.

Өрт 90 шаршы метр алаңда сөндірілді. Зардап шеккендер жоқ.