Алматыда тағы бір инвесторға қолдау көрсетілді

Мемлекет басшысының тапсырмасы шеңберінде Алматы қаласының прокуратурасы тұрақты түрде маңызды инвестициялық жобаларды сүйемелдеуді жүргізуде, деп хабарлайды BAQ.KZ.

Алматы қаласында кәсіпорындарға өндірістік алаңдар құру жөнінде «Magnit plus» ЖШС-нің инвестициялық жобасы іске асырылуда. Инвестицияның жалпы көлемі шамамен 530 млн теңгені құрайды, оны іске асыру 25-тен астам жұмыс орнын құруға мүмкіндік береді. 

Алайда Алматы қаласының Қалалық жоспарлау және урбанистика басқармасы инвесторға нысанның құрылысына сәулет-жоспарлау тапсырмасын беруден негізсіз бас тартқан (уәкілетті орган - қолданыстағы заңнамада көзделмеген құжатты, яғни келісу парағын талап еткен). Алматы қаласы Түрксіб ауданының прокуратурасы әкімдікке қадағалау актісін енгізу арқылы уәкілетті орган тарапынан болған заңсыз әрекеттердің жолын кесті, - деді Алматы қаласы прокуратурасы.