Алматыда тағы 350 мың ағаш отырғызылады

Алматы, BAQ.KZ тілшісі. Алматыда жасыл желек көбейеді және бұл қалада нағыз жасыл алаңдар мен саябақтар болады деген сөз. Бұл туралы Жасыл экономика басқармасының басшысы Наталья Ливинская онлайн брифингте айтты.

Оның айтуынша, қалада ағаш отырғызу «Жасыл Алматы» бағдарламасы аясында жүргізілуде.

Біз бақылаусыз отырғызудан ағаш күтіміне, жасыл қорды сауықтыруға және биоәртүрлілікті сақтауға көштік. Алматының жасыл желектерін суландыру үшін жаңа скважиналар салынды, суармалы арық торабына инвентаризация жүргізілді, суару жұмыстары күшейтілді, - деді басқарма басшысы.

Н. Ливинская қалада отырғызылған ағаштардың ауқымы климат пен топырақ құрамына байланысты ғылыми қауымдастықпен, ландшафт мамандарымен бірге іріктелетінін айтты.

Басқарма мамандарының мәліметінше, Алматыда 2,6 миллион ағаш бар, оның 23 пайызы әлсіреген күйде.

Бағдарламаның арқасында қалада 480 мыңнан астам ағаш отырғызылды. Биыл 350 мың ағаш отырғызу басталды, көктемде 64 мың ағаш отырғызылды. Негізгі отырғызу осы күзде жүргізіледі, себебі бұл маусым отырғызудың тіршілігі үшін ең қолайлы, - деді ол.

Қазір жасыл желектердің тізілімі қалыптасқан, онда әр ағаштың электронды паспорты бар. Реестр жасыл қордың сапалық және сандық жағдайының есебін жүргізуге мүмкіндік береді. Жүйе сонымен қатар отырғызу алаңдарын, оның ішінде өтемақыны бақылауға мүмкіндік береді.

Жүйе барлығына 2021 жылдың қыркүйегінен бастап басшылықтың ресми сайтында қолжетімді болады.