Алматыда сел жүру қаупі жоғары аймақтар аталды

Алматыда сел жүру қаупі жоғары 28 учаске анықталды, деп хабарлайды Алматыдағы BAQ.KZ тілшісі.

Қала әкімдігінің мәліметінше, бүгінге дейін олардың 14-інде нығайту жұмыстары жүргізілген, қалған аумақтарда жер телімдерін сатып алу және беткейлерді бекіту жұмыстары жалғасып жатыр.

2025 жылға жедел шаралар жоспарына енгізілген басты қауіпті аумақтар:

• “Медеу” мұз айдыны маңындағы беткей,
• Шымбұлақ пен Кеңсай-2 бағытындағы жол (Медеу ауданы),
• Алма-Арасан бағытындағы жол (Бостандық ауданы),
• Усикова көшесі мен “Ақжартау” бағбандық қоғамы (Наурызбай ауданы),
• Кемел ықшам ауданындағы зират жанындағы өзен арнасы,
• Қожамьяров көшесі (Жетісу ауданы).

Аталған аудандарда:

• тіреу қабырғалары салынады,
• болат арқанды тор жүйелері орнатылады,
• су бұру арналары мен
• өзен жағалауларын бекіту жұмыстары жүргізіледі.