Алматыда қойма өртенді

Алматы облысының өрт сөндірушілері қоймадағы өртті сөндірді, деп хабарлайды BAQ.KZ.

Төтенше жағдайлар министрлігінің мәліметіне сүйенсек, Қарасай ауданы Бұлақты ауылында кеспе тастар сақталған қойманың жануы орын алды.

Шақыру орнына 18 км жолды еңсеріп келген өрт сөндіру бөлімшелері оны 200 шаршы метр алаңда сөндірді. Зардап шеккендер жоқ, - деп атап өтті ведомстводан.

Өрт шыққан жағдайда 112 нөміріне қоңырау шалу қажет.