Алматыда пакетке салынған әйелдің денесі табылды

Алматы-1 вокзалының маңайында пакетте оралған әйелдің мәйіті табылған, деп хабарлайды Алматыдағы BAQ.KZ тілшісі.

Қайғылы оқиға  Түркісіб ауданында болған.

Әлеуметтік желілерде тараған ақпаратқа сәйкес, әйелдің жасы шамамен 45-50-де болған. 

Аталған жағдайға қатысты Алматы қаласының Полиция департаментінің баспасөз қызметі мәлімдеме жасады.

Бұл дерек бойынша Түрксіб аудандық полиция Басқармасы қылмыстық іс қозғады. Объективті мән-жайларды анықтауға бағытталған жедел және тергеу шараларының кешені жүргізіліп жатыр. ҚР Қылмыстық-процестік кодексінің 201-бабының талаптарына сәйкес өзге де мәліметтер жария етілмейді. Тергеу жүргізіліп жатыр,- деді Алматы қаласы полиция департаментінің ресми өкілі Салтанат Әзірбек.

Еске салайық, күні кеше Алматыда қашып кеткен сотталушыға іздеу жарияланған еді.