Алматыда Назарбаевтың "құлап бара жатқан" инсталляциясы пайда болды

Офицерлер үйінде суретші Ербосын Мелдібековтің "Боран-Байқоңыр, Жібек жолы мен Құс жолының арасы" атты көрмесі ұйымдастырылды, деп хабарлайды Алматыдағы BAQ.KZ тілшісі.

Көрмедегі басты экспонат - Назарбаевтың тұғырдан ақырындап құлап бара жатқан 5 мүсіні. Суретшінің айтуынша, топтама мүсін қиратылған сәтте тұғыры ғана қалған Назарбаевтың ескерткіштері түріндегі инсталляциялардан тұрады.

Бір қызығы, автор "Назарбаевтың құлдырауы" инсталляциясы сонау 2021 жылы жасалған екен. Автор өз шығармасын "көріпкелділік" деп есептейді.